Tashkentte Ózbekstannyń úzdik jýrnalısteri marapattaldy
TAShKENT. 3 mamyr. QazAqparat /Qurmat Samarhan/ - Ózbekstan elordasynda Ózbekstannyń bas halyqaralyq jýrnalıstik syılyǵy - «Altyn qalam» syılyǵyn tabys etý rásimi ótti.
Bul shara búgin atap ótiletin Baspasóz bostandyǵynyń dúnıejúzilik kúnine arnalyp otyr.
Konkýrs televıdenıe, radıo, baspasóz jáne ınternet-jýrnalıstıka atalymdary boıynsha ótti. Bıyl baıqaýǵa 562 jýrnalıst qatysyp otyr. Jeńimpazdar men laýreattarǵa arnalǵan júldelik qor 150 mıllıonǵa jýyq sýmdy qurady (shamamen 100 myń dollardaı). Sondaı-aq, BUU, ıÝNESKO, Dúnıejúzilik bank sııaqty halyqaralyq uıymdardyń Ózbekstandaǵy ókildikteri de óz yntalandyrý syılyqtaryn taǵaıyndady.
Sheteldik BAQ ókilderiniń arasynda Qytaıdyń «Sınhýa» aqparat agenttiginiń shef-redaktory Dýn Lýntszıan úzdik jýrnalıst atandy.
