Tashkentte Ózbekstandaǵy qazaq dıasporasy aqyndary saıysynyń jeńimpazdary anyqtaldy
TAShKENT. 25 tamyz. QazAqparat - Ózbekstannyń astanasynda alǵash ret Ózbekstanda turatyn qazaq dıasporasynyń aqyndary arasynda «Músháıra» saıysy ótti.
Saıysqa óz jumystaryn 25-ke jýyq qatysýshy usyndy. Qazylar jeńimpazdardy anyqtady. Atap aıtqanda, bas júldeni Naýaı qalasynyń turǵyny Naýryzbaı Jarbosyn uly ıelense, ekinshi oryndy Aqshagúl Tólegenova (Naýaı qalasy) men Qulnazar Ibragımov (Tashkent oblysy) bólisti, al Boran Qydyrov (Tashkent oblysy), Arýhan Aqpanbetova (Qaraqalpaqstan) jáne Abdýlla Rústemov (Tashkent oblysy) úshinshi oryndy qanaǵat tutty.
Barlyq jeńimpazdarǵa qomaqty aqshalaı jáne qundy syılyqtar tabystaldy. Qatysýshylar arnaıy dıplomdarmen marapattaldy.
Saltanatty is-sharaǵa jáne jeńimpazdardy marapattaý rásimine Qazaqstan men Ózbekstan elshilikteriniń ókilderi de qatysty.
