Tashkentte ótip jatqan retromobılder kórmesinen fotoreportaj
TAShKENT. QazAqparat – Tashkent qalasynda ótip jatqan Hilton Auto Expo kólemdi avtomobıl kórmesinde retromobılder men qazirgi zamanǵy avtokarlar qoıylǵan, dep habarlaıdy QazAqparattyń menshikti tilshisi.
Ózbekstan astanasynyń turǵyndary men qonaqtary 15 kún boıy Tashkent City parkinde retroavtomobılder kórme-bássaýdasyna baryp, onda eldiń jetekshi kólik salondarynyń modelderimen tanysa alady.
Sondaı-aq avtomobıl kútimine arnalǵan zamanaýı aksessýarlar men quraldar týraly aqparat alýyna bolady.
Kórmede sonymen qatar 200-den astam avtomobıl markasy, tipti Airbus H130 tikushaǵy usynylǵan.
Kórmege qoıylǵan ótken ǵasyrdyń 50-70-jyldaryndaǵy keńestik, nemis jáne amerıkandyq avtomobıl markalary qonaqtardyń erekshe qyzyǵýshylyǵyna bólendi.
Olardyń kóbi – qazirgi joldarda sırek kezdesetin kólikter.
Kórmege kelýshiler sırek model ıelerimen tanysyp, kólikterdi qalpyna keltirý tarıhyn bile alady, al nıet bildirgenderdiń usynylǵan avtomobılderdi satyp alýǵa múmkindigi bar.
