Tashkentte Ortalyq Azııadaǵy qazirgi ahýal talqylandy
Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy Nurlan Ermekbaevtyń jáne Ózbekstan Respýblıkasynyń Prezıdenti janyndaǵy Qaýipsizdik Keńesiniń hatshysy Vıktor Mahmýdovtyń tóraǵalyǵymen ótken kelissózder barysynda óńirlik qaýipsizdik pen eki jaqty yntymaqtastyqtyń ózekti máseleleri qarastyryldy. Jıynǵa ortalyq memlekettik organdar basshylary da qatysty.
Aýǵanstandaǵy jaǵdaıdy eskere otyryp, Ortalyq Azııadaǵy qazirgi ahýal men onyń damý perspektıvalary, sondaı-aq áskerı-tehnıkalyq jáne áskerı salalardaǵy ózara is-qımyldy odan ári jandandyrý jáne keńeıtý máseleleri talqylandy.
Zańsyz kóshi-qonǵa qarsy is-qımyl, kedendik baqylaý, azamattyq avıatsııadaǵy qaýipsizdikti jetildirý aıasyndaǵy yntymaqtastyq máseleleri de kún tártibine shyǵaryldy.
Kezdesý barysynda taraptar ótkizý beketterin, avtomobıl joldaryn qaıta qalpyna keltirý jáne jańǵyrtý, sondaı-aq Qazaqstan-Ózbekstan memlekettik shekarasyndaǵy irgeles aýmaqty retteýge baǵyttalǵan Jol kartasyndaǵy tarmaqtardyń oryndalýynyń aldyn ala shyǵarylǵan qorytyndylaryn qarastyrdy.
Jumys qorytyndysy boıynsha eki eldiń tıisti memlekettik organdaryna naqty tapsyrmalar berildi.
Qaýipsizdik keńesteriniń apparattary arasyndaǵy konsýltatsııalar Qazaqstan men Ózbekstan basshylarynyń tapsyrmalaryna sáıkes turaqty túrde ótkiziledi.
