Tashkentte «Ómir úshin!» atty qaıyrymdylyq forým-marafony ótti
TAShKENT. 2 mamyr. QazAqparat - Ózbekstannyń astanasynda 1 mamyrda «Ómir úshin!» atty qaıyrymdylyq forým-marafony ótti, dep habarlady Forým qorynyń baspasóz qyzmeti.
Atalmysh qaıyrymdylyq marafondy Forým qory, «Ómir úshin!» sút bezi isigi jónindegi ulttyq qaýymdastyǵy, Sıýzen Komen (AQSh) atyndaǵy keýde qaterli isigimen kúres qory jáne «Áıelder jıyny» qoǵamdyq birlestigi uıymdastyrdy.
Atalmysh marafonǵa óner jáne mádenıet, estrada men kıno jáne teatr qaıratkerleri, sportshylar men dárigerler, dıplomatııalyq korpýstyń, qoǵamdyq uıymdardyń, mınıstrlik pen vedomstvolardyń ókilderi, shetel qonaqtary, stýdentter, oqýshylar, múmkindigi shekteýli adamdar, qaıyrymdylyq ıdeıasy men áıel densaýlyǵyna beı-jaı qaramaıtyn belsendiler qatysty, dep atap ótti baspasóz qyzmeti.
Marafon-2012 bes kezeńde ótti. Atalmysh forým-marafon Ózbekstanda 2010 jyldan bastap ótkizilýde. Dástúr boıynsha jınalǵan qarajat «Ómir úshin!» keýde qaterli isigi boıynsha Ulttyq qaýymdastǵynyń jobalary men baǵdarlamalaryn iske asyrýǵa baǵyttalady.
Joba aıasynda 3 jyl ishinde keýde qaterli isigine shaldyqqan 300-den astam áıel 900 mln. sýmǵa (1 dollar AQSh - 1859 sým) dárilermen qamtamasyz etildi. Dıagnostıkalyq aktsııa kezinde 20 myńǵa jýyq áıel tekserildi.
