Tashkentte OAAEY Ulttyq úılestirýshileri keńesiniń otyrysy ótti
NUR-SULTAN. QazAqparat – Búgin Ózbekstan astanasy Tashkent qalasynda Ortalyq Azııa aımaqtyq ekonomıkalyq yntymaqtastyq (OAAEY) Ulttyq úılestirýshileri keńesiniń otyrysy ótti, dep habarlaıdy QR Úkimetiniń baspasóz qyzmeti.
Atalǵan otyrys barysynda 18-shi Mınıstrler konferentsııasyna daıyndyq, OAAEY Kólik strategııasy 2030 jáne OAAEY Energetıkalyq strategııasy 2030, OAAEY 2030 strategııasyn iske asyrý máseleleri talqylandy.
Sondaı-aq, Kún tártibine sáıkes OAAEY-nyń Saýda boıynsha ıntegratsııalanǵan baǵdarlamasy 2030, onyń ishinde tranzıttik júıeni jáne jalpy aqparat almasýdy jaqsartý jónindegi OAAEY-nyń pılottyq jobasyn iske asyrý, sonymen qatar, 2019 jylǵy qazanda ótetin DSU-nyń saýda rásimderin jeńildetý jónindegi kelisimi boıynsha semınar ótkizý máseleleri egjeı-tegjeıli talqylandy.
Budan basqa, vıtse-mınıstr otyrys qatysýshylaryna OAAEY 2030 strategııasynyń Qazaqstannyń túrli salalarynda sátti júzege asyrylýy týraly baıandady.
