Tashkentte qurylystaǵy oqys oqıǵadan Úndistan azamattary mert boldy

TAShKENT. KAZINFORM – Ózbekstan Respýblıkasy TJM málimetinshe, Almalyq taý-ken metallýrgııa kombınatynyń (ATMK) mys baıytý fabrıkasynyń qurylys alańynda temir konstrýktsııalardyń opyrylýy saldarynan 3 jumysshy qaza taýyp, 29-y jaralandy. Olardyń barlyǵy Úndistan azamattary.

Tótenshe jaǵdaılar mınıstrligi Tashkent oblysyndaǵy ATMK fabrıkasynyń qurylysyndaǵy jaǵdaıǵa qatysty túsinikteme berdi.

TJM málimetinshe, 20 aqpan kúni saǵat 08:00-de Almalyq qalasynyń Indýstrıaldy aımaǵy aýmaǵynda ornalasqan jańadan salynǵan «№3 mys baıytý fabrıkasynda» temir qurylymdary qulaǵan.

Apat saldarynan qurylys kompanııasynyń 32 jumysshysy (barlyǵy Úndistan azamattary) zardap shekken, onyń 3-ýi oqıǵa ornynda kóz jumǵan, 29-y túrli dene jaraqattarymen aýrýhanaǵa jatqyzylǵan.

Oqıǵanyń sebep-saldaryn zerdelep, zardap shekkenderge kómek kórsetý úshin shuǵyl túrde jaýapty uıymdardyń qatysýymen jumys toby qurylǵan.