Tashkentte QR Premer-Mınıstri Táýelsizdik eskertkishine gúl shoqtaryn qoıyp, Tóle bıdiń zıratyna bardy
TAShKENT. 22 jeltoqsan. QazAqparat - QR Premer-Mınıstri Serik Ahmetov «Táýelsizdik jáne gýmanızm» eskertkishine gúl shoqtaryn qoıdy.
Túske deıin Úkimet basshysy basqarǵan Qazaqstan Respýblıkasynyń resmı delegatsııasy Táýelsizdik jáne gýmanızm eskertkishine gúl shoqtaryn qoıý rásimine qatysty.
Monýment Tashkenttegi Táýelsizdik alańynda (Mýstakıllık alańy) ornalasqan. Ol Ózbekstan kartasy beınelengen oıýly órnekpen áshekeılengen metall sferasy. Eskertkish 1990 jyldardyń basynda ornatyldy. 2005 jyldyń jeltoqsan aıynda Mýstakıllık alańyn sáýlettik jańartýdyń barysynda eskertkish «Baqytty ana» músinimen tolyqtyryldy.
Budan basqa, Qazaqstan Premer-Mınıstri Tashkenttegi «Hazratı Imom» kesheni men Tóle bı jerlengen «Sheıhantahýr» kesenesine bardy.
