Tashkentte qazaqstandyq jas shahmatshylar Azııa chempıony atandy
ALMATY. QazAqparat - Qazaqstandyq shahmatshylar Ásel Serikbaı men Merýert Kamalıdenova Ózbekstan astanasy Tashkent qalasynda ótken jasóspirimder arasyndaǵy shahmattan Azııa chempıonatynda altyn medal jeńip aldy, dep habarlaıdy QazAqparat tilshisi QR Shahmat federatsııasyna silteme jasaı otyryp.
«Qyzylordalyq Ásel Serikbaı men astanalyq Merýert Kamalıdenova klassıkalyq úlgidegi 12-16 jas aralyǵyndaǵy jasóspirimder arasynda ótken Azııa Chempıonatynda altyn medal ıegeri atandy. Saıystar dástúrli klassıkalyq, rapıd jáne blıts úlgisinde ótken. Al Áseldiń jerlesi Nazerke Nurǵalı 14 jasqa deıingiler arasyndaǵy básekede alǵashqylar qatarynan kórinip, qola medalǵa qol jetkizdi.
Aıta keteıik, Ásel Serikbaı rapıd jáne blıts túrindegi shahmat saıysynda da ozyp shyqty. Osylaısha, ol Azııadaǵy óz jasy boıynsha kategorııada eń úzdik shahmatshy atanyp, úsh múmkindikti de múlt júbermeı, úsh altyn ákeldi. Al Merýet Kamalıdenova blıts túrindegi saıystan qola jeńip alyp, (WFM) FIDE sharty boıynsha qyzdar arasyndaǵy sheber talabyn oryndady», - dedi QR ShF baspasóz jáne qoǵammen baılanys bóliminiń jetekshisi Roman Raıfeld.
Endi Ásel men Merýert bıylǵy jyldyń ekinshi jarty jyldyǵynda Brazılııa men Ýrýgvaıda ótetin Álem chempıonatyna qatysady.
