Tashkentte qazaqstandyq sýretshilerdiń kórmesi ótti
TAShKENT. QazAqparat – Ózbekstanda Qazaqstannyń Ózbekstandaǵy elshiliginiń qoldaýymen qazaqstandyq sýretshilerdiń kórmesi ótti, dep habarlaıdy QazAqparat tilshisi.
«Elimiz táýelsizdik alǵaly alǵash ret Qazaqstannyń Ózbekstandaǵy Mádenıet kúnderi aıasynda QR Sýretshiler odaǵy elimizdiń sýretshileriniń ónerlerin shetel qaýymyna tanystrdy. Eki eldiń beıneleý óneri qalyptasý kezeńi boıynsha bir-birine jaqyn. Eki memlekette de bul óner óziniń damýyn HH ǵasyrda bastady. Alaıda eki eldiń stıli men kórkemdik tili árkelki. Óıtkeni eki memlekettiń de beıneleý óneriniń qalyptasýyna olardyń ulttyq tarıhy men tabıǵı ortasy yqpal etken. Sol úshin de osy salada tájirıbe almasý óte qyzyq, óıtkeni ol eki eldiń mádenıet salasy ókilderiniń sheberligin baıytady»,-dedi qazaqstandyq dıplomat.
QR Sýretshiler odaǵy atorlyq jumystar men kolorıstik kompozıtsııalardyń keń aýqymyn usyndy. Kórme ekspozıtsııasynda Qazaqstannyń Almaty, Shymkent, Pavlodar, Oral, Qaraǵandy jáne Túrkistan oblysy sııaqty ár aımaǵynan kelgen avtorlardyń týyndylary qoıylǵan.
Kórmege barlyǵy 38 avtor 114 týyndysyn qoıǵan.
Avtory: Mıras Qýandyqov
