Tashkentte qazaqstandyq kadet Azııa chempıony atandy
ASTANA. QazAqparat - Tashkentte kúres túrlerinen kadetter arasynda ótip jatqan Azııa chempıonatynda qazaq ulany chempıon atandy, dep habarlaıdy QazAqparat tilshisi.
Kúres túrleri federatsııasynyń baspasóz qyzmeti taratqan málimetterge qaraǵanda, jarystyń alǵashqy kúni eki birdeı órenimiz fınalǵa shyǵyp, biri altyn medal jeńip alsa, ekinshisi kúmis júldege qol jetkizdi. Taǵy bir otandasymyz qola medalǵa ıelik etti.
Altyndy Grek-rım kúresinen 55 eli salmaqta el namysyn qorǵaǵan Dinmuhamed Qoshqar qanjyǵasyna baılasa, kúmisti 48 keli salmaqta synǵa túsken Ishar Kýrbanov jeńip aldy.
Dinmuhamed Qoshqar fınalda ózbekstandyq Amırbek Soltanovtan basym tússe, fınalda ırandyq Sadjad Javıdten 4:7 esebimen jeńilgen Ishar Kýrbanov Azııanyń kúmis júldegeri atandy. Sondaı-aq, qola medaldi 45 kelidegi Maqsat Ermanov jeńip aldy. Maqsat úshinshi oryn úshin bolǵan beldesýde qytaı balýanyn 12:1 esebimen utty.
Foto: sports.kz
