Tashkentte qazaqstandyq derekti fılmderdiń kórsetilimi boldy
TAShKENT. Qarashanyń 11-i. QazAqparat /Qurmat Samarhan/ - Seısenbi kúni Tashkentte derekti fılmderdiń «Jandanǵan dıalogtar-4» IV halyqaralyq semınary jumysyn bastady. Semınar jumysyna Ózbekstan, Qazaqstan, Qyrǵyzstan, Túrikmenstan jáne Tájikstan elderiniń derekti kıno túsirýshileri qatysýda.
Ár el semınarǵa sońǵy 2 jylda túsirilgen 4-5 derekti fılm ákelip otyr.
Qazaqstannan barǵan delegatsııanyń ókili - kınotanýshy, «Eýrazııa» halyqaralyq kınofestıvaliniń art-dırektory Gúlnár Ábikeeevanyń aıtýynsha, bul semınar Ortalyq Azııa aımaǵynyń derekti fılmderi úshin mańyzdy bolyp tabylady. Keńes dáýiri kezinde bul sala joǵary deńgeıde bolatyn, biraq sońǵy jyldary derekti kınonyń roli tómendep ketti.
«Birinshi kúni, semınardyń ashylýynda qazaqstandyq baǵdarlama kórsetildi. Oǵan «Kerek emes dúnıeler fakýlteti», «Alash Orda», «ıAssy - Túrkistannyń rýhanı ortalyǵy», «Asaý minezdi Jantórın» sııaqty fılmder kirdi», deıdi G.Ábikeeva.
«Semınar aıasynda men sondaı-aq táýelsizdikke deıin jáne odan keıin túsirilgen 70 shaqty fılm jınaqtalǵan Ortalyq Azııa derekti fılmderiniń DVD toptamasyn tanystyramyn», dedi qazaqstandyq kınotanýshy.
