Tashkentte qazaqstandyq M.Áýezov atyndaǵy ýnıversıtettiń fılıaly ashylady

Tashkent oblysy Shyrshyq qalasynda M.Áýezov atyndaǵy Ońtústik Qazaqstan ýnıversıtetiniń kommertsııalyq emes aktsıonerlik qoǵamynyń fılıaly ashylady, dep habarlaıdy Kazinform UzA agenttigine silteme jasap.

Osyǵan baılanysty Mınıstrler kabınetiniń tıisti qaýlysynyń jobasy jarııalandy.
Oǵan sáıkes, fılıal qyzmetiniń negizgi baǵyttary ekonomıka salalary úshin joǵary bilikti mamandardy daıarlaý, bilim, ǵylym jáne óndiristiń úzdiksizdigi men júıeliligi, sondaı-aq álemniń bedeldi bilim jáne ǵylym ortalyqtarymen ıntegratsııalaný qaǵıdattary negizinde mamandar men ǵylymı kadrlardy daıarlaý jáne qaıta daıarlaý júıesin jańǵyrtý josparlanǵan.

Ýnıversıtet fılıaly kadrlarǵa degen qajettilikti, onyń ishinde ǵylymı-pedagogıkalyq kadrlardy daıarlaýdy eskere otyryp, bakalavrıat bilim berý baǵyttary men magıstratýra mamandyqtary boıynsha barlyq deńgeıdegi mamandardy daıarlaýdy, qaıta daıarlaýdy jáne olardyń biliktiligin arttyrýdy júzege asyrady.

Sheshim jobasynda Ýnıversıtet zańdy tulǵa mártebesi bar qurylymdyq bólimshe bolyp tabylady, abıtýrıentterdi qabyldaý jáne fılıal túlekterin attestattaýdan ótkizý belgilengen talaptarǵa, tártipterge jáne merzimderge sáıkes júzege asyrylady jáne Ýnıversıtettiń dıplomy Ózbekstan men Qazaqstanda joǵary bilim týraly qujat retinde tanylýy kózdelgen.