Tashkentte Qazaqstan men Ózbekstannyń yntymaqtastyq máseleleri talqylandy
Qazaqstandyq dıplomat Prezıdent Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýynyń negizgi qaǵıdalaryn atap ótip, suhbattastyń nazaryn bizdiń elimizdegi aýqymdy áleýmettik jobalardyń iske asyrylýy boıynsha túbegeıli sharalardy boljaıtyn jańa bes bastamaǵa aýdardy.
Baýyrlas memleketter arasyndaǵy yntymaqtastyqtyń odan ári damýyna mindetti túrde úles qosatyn «Ózbekstannyń Qazaqstandaǵy jyly» týraly sóz qozǵaı otyryp, E.Ótembaev ony ortaq istermen odan ári tolyqtyrý boıynsha jumysty kúsheıtýge usynys bildirdi.
Taraptar aımaqtyq yntymaqtastyq máselelerin, sondaı-aq eki eldiń barlyq oblystary qatysatyn aǵymdaǵy jyldyń kúzinde Astanada ótetin Óńirler forýmyn talqylady.
Sonymen qatar, elshi basym mindetterdiń ishinde jastar saıasatyn kúsheıtý boıynsha jumystardy, sondaı-aq jastar ekstremızminiń aldyn-alý úshin júrgiziletin jumystardyń tıimdi ádisteri men nysandaryn qoldaný qajettiligin erekshe atap ótti.
Kezdesý barysynda taraptar ekijaqty máseleler keshenin de tolyqtaı talqylady, onyń ishinde parlamentaralyq yntymaqtastyq, sondaı-aq «Nur Otan» partııasy men Ózbekstannyń lıberal-demokrattyq partııasy arasyndaǵy qarym-qatynas pen Astana qalasyna sapar uıymdastyrý máselesi de qarastyryldy.
Óz kezeginde, B.ıAkýbov atalǵan usynystardyń barlyǵyn qoldady, sondaı-aq turaqty dıalog ornatý jáne tájirıbe almasý qajettiligine nazar aýdara otyryp, qazaqstandyq áriptestermen seriktestikke nıetti ekenin bildirdi.
