Tashkentte Qazaqstan men Ózbekstannyń avtoóndirýshileri arasynda kelisimge qol qoıyldy
ASTANA-TAShKENT. QazAqparat - 15 naýryz kúni Tashkent qalasynda (Ózbekstan) Birinshi Ortalyq Azııa ekonomıkalyq forýmy aıasynda GM «Uzbekistan» jáne «SaryarqaAvtoÓnerkásip» JShS iri avtoóndirýshileri arasynda óndiristi damytý boıynsha kelisimshartqa qol qoıyldy, dep habarlaıdy primeminister.kz.
Qol qoıý rásimine Qazaqstan Premer-Mınıstriniń orynbasary Jeńis Qasymbek pen Ózbekstan Premer-Mınıstriniń orynbasary Eler Ganıev qatysty.
Kezdesý barysynda avtomobıl ónerkásibi salasyndaǵy yntymaqtastyq perspektıvalary, ınvestıtsııalyq yntymaqtastyqty keńeıtý, aımaqtyq saýda-sattyqty yntalandyrý máseleleri t.b. talqylandy. Nátıjesinde avtoóndiristi damytý boıynsha kelisimge qol qoıyldy. Taraptar 2019 jyldyń sońyna deıin Qazaqstannyń naryqtarynda da, Reseı Federatsııasyn qosa alǵanda, eksporttyq naryqtarda da ótkizý úshin 16 myń tehnıka shyǵarý týraly kelisimge keldi.
Avtoóndirýshiler sonymen qatar birlesken kásiporyn qurý, jergiliktendirýdi tereńdetý boıynsha kezeń-kezeńmen jumystardy qolǵa alý, onyń ishinde avtokomponentti bazada, jańa básekeli modelder boıynsha yntymaqtastyqty jalǵastyrý, óndiriletin ónim sapasyn jaqsartý sharalary týraly máselelerdi talqylady.
