Tashkentte qazaq-ózbek yntymaqtastyǵyna qatysty dóńgelek ústel otyrysy ótti
Іs-sharany Qazaqstan Respýblıkasy Elshiliginiń qoldaýymen «Bilim kerýeni» memlekettik emes ǵylymı mekemesi uıymdastyrdy, dep habarlaıdy QazAqparat.
Іs-sharanyń moderatory bolǵan «Karavan znanıı» MǴM dırektory Farhod Tolıpov táýelsizdiktiń 30 jyldyq mereıtoıy eki memleket yntymaqtastyǵynyń saıası, ekonomıkalyq, mádenı-gýmanıtarlyq jáne dıplomatııalyq aspektilerin talqylaý úshin jaqsy sebep ekenin aıtty.
Qazaqstan elshisi Darhan Satybaldy turaqty jáne tıimdi baılanystardyń arqasynda qol jetken ózbek-qazaq qatynastarynyń, tatý kórshilik pen strategııalyq áriptestiktiń qazirgi joǵary deńgeıine nazar aýdardy.
«Táýelsizdik kezeńinde Qazaqstan men Ózbekstannyń kópǵasyrlyq dostyǵynda mańyzdy eki qujat boldy: Máńgilik dostyq týraly shart jáne Strategııalyq áriptestik týraly shart. Sońǵy jyldary elderimiz arasyndaǵy ózara is-qımyl sapaly jańa deńgeıge shyqty. Biz yntymaqtastyqtyń barlyq baǵyty boıynsha ozyq nátıjelerge qol jetkizdik. Qazaqstan men Ózbekstan ekijaqty baılanystar tarıhynda jańa taraýǵa ótti», – dedi D. Satybaldy.
Qazaqstandyq dıplomat qatysýshylarǵa halyqaralyq jáne óńirlik saıasat, saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyq máseleleri boıynsha eki eldiń ózara is-qımyly týraly egjeı-tegjeıli aıtyp berdi.
«Osylaısha, Qazaqstan-Ózbekstan qarym-qatynastary ózara is-qımyldyń barlyq spektri boıynsha jaqsy damyp, Ortalyq Azııa keńistigindegi turaqtylyq pen qaýipsizdiktiń kepili sanalatyn ekijaqty yntymaqtastyqtyń tabysty modeline aınaldy», – dep túıindedi D. Satybaldy.
Moderator Farhod Tolıpov «Qazaqstan men Ózbekstannyń strategııalyq áriptestigi – yntymaqtastyqtyń erekshe túri» atty baıandamasynda qazirgi ýaqytta jańa dáýirdi bastan keship jatqan eki eldiń táýelsizdigi qarsańyndaǵy ıntegratsııalyq protsestiń tarıhı aspektilerin qozǵady.
«Kelesi kezeń – Ortalyq Azııanyń óńir qurylysy boıynsha kúsh-jigerdi shoǵyrlandyrý. Qazirgi ýaqytta óńir elderi HHІ ǵasyrda Ortalyq Azııany damytý maqsatynda dostyq, tatý kórshilik jáne yntymaqtastyq týraly bes jaqty memleketaralyq qujatty birlesip daıyndaýda», – dedi F. Tolıpov.
Bul kózqarasty Ózbekstan Respýblıkasynyń Qazaqstandaǵy eks-elshisi Turdyqul Býtaıarov qoldady, ol: «Stereotıpterden arylyp, ár eldi jekelep qaramaıtyn kez keldi, óńirdi tutastaı qarap, osy baǵytta damý kerek, bul ujymdyq strategııalyq yntymaqtastyqqa jańa kókjıekter ashady», - dep atap ótti.
Dóńgelek ústel aıasynda qoǵam qaıratkeri Azıza Ýmarova, ǵalymdar – Bahtıer Irısmetov, Zokır Ýsmanov, Ravshan Nazarov sóz sóıledi, olar óz sózderinde mádenı-gýmanıtarlyq, ǵylymı jáne ekonomıkalyq yntymaqtastyqtyń qozǵaýshy kúshi bolatyn jańa baılanystar jaıynda aıtty.
