Tashkentte qazaq kınosy kúnderi bastaldy

TAShKENT. QazAqparat – Búgin Tashkentte bastalǵan Qazaq kınosy kúnderi aıasynda qazaqstandyq toǵyz kınematografshynyń jumysy ózbek kórermenderiniń nazaryna usynylady, dep habarlaıdy QazAqparattyń menshikti tilshisi.

Rejısser Bolat Mansurovtyń Sháken Aımanov atyndaǵy «Qazaqfılm» AQ óndiristik-tehnıkalyq bazasynda qaıta óńdelgen «Sultan Beıbarys» tolyqmetrajdy kórkem týyndysy jańalyq boldy.

20-23 maýsym aralyǵynda Álisher Naýaı atyndaǵy Ortalyq kıno úıinde ótetin is-shara aıasynda kórermenderge «Muqaǵalı» (rejısser Bolat Qalymbetov), «Dos-Muqasan» (Aıdyn Sahaman), «Paralımpıadashy» (Aldııar Baıraqymov), «Na starte» (Ernar Nurǵalıev) men «Leto 1941-go» (Bekbolat Shekerov) kórkem fılmderi usynylady.

Balalarǵa «Kenje qyz» (Ivan Ardashov), «Besik jyry» (Dılshat Rahmatýllın) men qazaq anımatsııasynyń negizin qalaǵan, rejısser, sýretshi Ámen Qaıdardyń 100 jyldyǵyna arnalǵan «Ámen aǵanyń ǵajaıyp báıteregi» (Janádil Baıdarbekov) anımatsııalyq fılmderi kórsetiledi.

Qazaqstandyq kınematografshylardyń jumysy Tashkent turǵyndary men qonaqtarynyń qyzyǵýshylyǵyn týdyrdy.