Tashkentte qazaq dıasporasynyń ókilderi Sábıt jáne Anar Nálibaevtardyń óleń jınaqtarynyń tanystyrylymy ótti
sp;TAShKENT. Qarashanyń 19-y. QazAqparat /Qurmat Samarhan/ - Ózbekstannyń elordasynda sársenbide, qarashanyń 18-inde aqyn Sábıt Nálibaevtyń «Ómir, men saǵan ǵarshyqpyn» óleńder jınaǵy men onyń qyzy - aqyn, telejýrnalıst Anar Nálibaevanyń «Ómir-ótkel» jınaǵynyń tanystyrylymy ótti.
Bul shara Ózbekstandaǵy qazaq dıasporasynyń bedeldi ókili bolǵan marqum Sábıt Nálibaevtyń 70 jyldyǵyna oraılastyryldy. Aqynnyń qyzy Anar Nálibaeva ákesiniń barlyq týyndylaryn jınap, kitap etip qurastyryp jáne óz óleńderiniń jınaǵyn shyǵaryp otyr.
Osynaý ıgi jetistigimen quttyqtap, shyǵarmashylyq tabystar tileý maqsatynda qazaq dıasporasynyń óner ókilderi, aqyn qyzdyń dostary men áriptesteri jınaldy. Qonaqtar, bul tanystyrylymnyń Ózbekstandaǵy qazaq dıasporasy ókilderiniń shyǵarmashylyq áleýetin pash etken jarqyn bir shara bolǵanyn atap kórsetti.
