Tashkentte Jah Khalib tobynyń jankúıerleri jalǵan bıletter úshin tóbeles shyǵardy

25 qarashada Tashkent Humo Arena kesheninde qazaqstandyq reper Jah Khalib kontsertine baılanysty tártipsizdik oryn aldy. Ulttyq ulannyń arnaıy jasaǵy qoǵamdyq tártipti qamtamasyz etti, dep habarlaıdy Kazinform nova24.uz saıtyna silteme jasap.

Áleýmettik jelide janjal men tóbeleske ulasqan uzyn-sonar kezektiń vıdeosy tarady. Keıbir málimetterge qaraǵanda, kóp adamdar satyp alǵan jalǵan bıletterge baılanysty kontsertke kire almaǵan.

Ulttyq ulannyń baspasóz qyzmeti oqıǵany tártipsizdik dep atady.

Qoǵamdyq tártipti buzǵan kúdiktiler arenadan shyǵarylyp, bolýy múmkin keleńsiz jaǵdaılardyń aldy alyndy, eshkim zardap shekken joq. Oqıǵaǵa baılanysty tergeý júrip jatyr, dep habarlady Ulttyq ulan qyzmetkerleri.