Tashkentte FIFA-nyń Ortalyq Azııa elderi boıynsha aımaqtyq keńsesi ashylady
TAShKENT. KAZINFORM — Ózbekstan prezıdenti Shavkat Mırzıeev «2027 jyly 20 jasqa deıingi jastar arasynda fýtboldan Álem chempıonatyn ótkizý sharalary týraly» qaýlyǵa qol qoıdy, dep habarlaıdy Kazinform agenttiginiń menshikti tilshisi.
Qujat Ózbekstan men Ázerbaıjanda ótetin U-20 Álem chempıonatyn joǵary deńgeıde uıymdastyrýǵa, Halyqaralyq fýtbol qaýymdastyǵy federatsııasy men Azııa fýtbol konfederatsııasynyń bedeldi jarystaryn uıymdastyrý sharalaryn qamtıdy.
Qaýlyǵa sáıkes, Tashkenttegi Ózbekstan fýtbol qaýymdastyǵynyń ǵımaratynda FIFA-nyń Ortalyq Azııa elderi boıynshaaımaqtyq keńsesi ashylady.
Ony qurý shyǵyndary negizinen FIFA tarapynan bólingen qarajat esebinen óteledi, qalǵanyn Ózbekstan fýtbolyn qoldaý qory usynady.
Eske sala keteıik, 2027 jyly 20 jasqa deıingi jastar arasynda fýtboldan Álem chempıonatyn Ózbekstan men Ázerbaıjan birlesip ótkizbek.
Buǵan deıin habarlaǵanymyzdaı, Ózbekstanda býkmekerlik keńselerdiń qyzmetin nasıhattaǵan 70-ge jýyq saıt buǵattaldy.