Tashkentte Elbasynyń qatysýymen Ekinshi konsýltatıvtik kezdesý ótip jatyr
Kelissózge Qyrǵyzstan, Tájikstan, Túrikmenstan jáne Ózbekstan prezıdentteri, sondaı-aq QR Tuńǵysh Prezıdenti – Elbasy Nursultan Nazarbaev qatysyp jatyr. Ortalyq Azııa elderi kóshbasshylarynyń konsýltatıvtik kezdesýin Ózbekstan Prezıdenti Sh.Mırzıeev ashty.
«Búgin biz ózara is-qımyldyń ózekti máselelerin talqylap, Ortalyq Azııadaǵy seriktestikti keńeıtýge baǵyttalǵan basym sharalar týraly kelisýimiz kerek. Qurmetti áriptester, bizdiń elderimizdiń syrtqy ister mınıstrlerimen kelisilgen kezdesýdiń kún tártibin qarastyrýdy usynamyn. Oǵan aımaqtyq saıasat, saýda-ekonomıka, ınvestıtsııa, kólik-kommýnıkatsııa salalaryndaǵy yntymaqtastyq, ǵylymı-tehnıkalyq jáne gýmanıtarlyq tájirıbe almasýlar, sondaı-aq Ortalyq Azııadaǵy qaýipsizdikti qamtamasyz etý máseleleri kirdi. Biz retteme men birlesken málimdemeni qabyldap, kelesi Konsýltatıvtik kezdesýdiń orny men ýaqytyn anyqtaýymyz kerek», - dep atap ótti Ózbekstan Respýblıkasynyń prezıdenti.
Eske salaıyq, keshe QR Tuńǵysh Prezıdenti – Elbasy N.Nazarbaev Ortalyq Azııa memleket basshylary ekinshi konsýltatıvtik kezdesýine qatysý úshin Tashkentke is-saparmen bardy.
Alǵashqy Konsýltatıvtik kezdesý 2018 jyly Nur-Sultanda ótti.
Avtor: Mıras Qýandyqov
