Tashkentte eki kúnge lıftide qalyp qoıǵan áıel kóz jumdy

TAShKENT. QazAqparat - Tashkenttegi jańa ǵımarattardyń birinde lıftiniń ishinen áıeldiń denesi tabyldy, dep habarlaıdy QazAqparat tilshisi.

Іzdestirý jumystaryn júrgizetin Uzalert volonterler toby ózderiniń aqparat arnasynda áıeldiń joǵalǵany týraly 26 shildede habarlady. Belgili bolǵandaı, poshtashy bolyp jumys istegen 32 jastaǵy áıel jumystan keıin keıin úıine oralmaǵan. 26 shildede oǵan izdeý salyndy.

28 shildede Uzalert joǵalǵan áıel qaladaǵy jańa ǵımarattardyń birinde lıft ishinde óli kúıinde tabylǵanyn málim etti.

«Olganyń jańa ǵımarattaǵy lıftige kirip bara jatqany beınekameraǵa túsip qalǵan. Belgili bolǵandaı, lıft eń sońǵy qabatta isten shyqqan. Úıde turǵyndar az bolǵandyqtan, lıftiniń turyp qalǵanyn eshkim elemegen», – dedi eriktiler.

Tekserý barysynda úı turǵyndary lıft birneshe kún boıy aqaýly kúıde bolǵanyn jáne mundaı jaǵdaı buǵan deıin jıi oryn alǵanyn túsindirdi.

«Aldyn ala medıtsınalyq qorytyndyǵa sáıkes, áıel ólimine júrektiń ıshemııalyq aýrýy, jedel júrek-tamyr jáne tynys alý qyzmetiniń jetkiliksizdigi sebep boldy», - dep habarlady eldiń Bas prokýratýrasynan.