Tashkentte EQDB ókildigi ashylady
ASTANA. QazAqparat - Ózbekstan syrtqy ister mınıstri Abdýlazız Kamılov Eýropa qaıta qurý jáne damý bankiniń (EQDB) Ortalyq Azııa jáne Reseı boıynsha basqarýshy dırektory Natalıa Hanjenkova basaǵan ókildermen kezdesti. Kezdesýde taraptar arasyndaǵy ózekti máseleler talqylandy, dep habarlaıdy Jahon agenttigi.
Ózbekstan men EQDB arasyndaǵy yntymaqtastyqtyń kún tártibin qalyptastyrýdyń aıaqtalý bolashaǵy, sondaı-aq Tashkent qalasynan Bank ókildigin ashýdyń praktıkalyq aspektileri talqylandy.
Taraptar 5 jyl boıy EQDB-nyń Ózbekstandaǵy Strategııa jobasynyń jumysy týraly, sondaı-aq banktiń Tashkentte ótetin halyqaralyq ınvestıtsııalyq forýmǵa qatysýy jáne «Ortalyq Azııa halyqaralyq transporttyq dáliz júıesinde: strategııalyq perspektıvalar jáne iske asyrylmaǵan múmkindikter» konferentsııasy týraly pikir almasty.
