Tashkentte dzıýdodan ótetin Gran-prıge qatysatyn Qazaqstan quramasy anyqtaldy
TAShKENT. QazAqparat - Tashkentte 16-18 qazan aralyǵynda dzıýdodan ótetin Gran-prıge qatysatyn Qazaqstan quramasynyń quramy belgili boldy.
Ózbekstan astanasyndaǵy sporttyq básekede 60 kelige deıingi salmaqta Gýmar men Gýsman Qyrǵyzbaevtar tatamıge shyǵady. Al 73 keli salmaqta Qazaqstannan Nurlan Orazalın, 81 kelige deıin - Bekjan Ábdiýálıev, Eldar Záripqanov. 90 kelige deıin - Aıbol Aıtbek, 100 kelige deıin Talǵat Amrenov beldesedi.
Áıelder arasynda 48 kelige deıin salmaq sanatynda birinshi oryn úshin Aıgúl Baıkúleeva baq synaıdy. 52 kelige deıin - Jibek Qurmasheva, Olesıa Kýttsenko, 57 kelige deıin Anna Kazıýlına jáne Sevara Nıshanbaeva kúresedi. 63 kelige deıin salmaq sanatynda kilemge shyǵatyn Zámzágúl Faızollanovanyń, 70 kelidegi Dınara Qudarovanyń, 78 kelidegi Albına Amangeldıeva men Zarına Raıfovanyń, sondaı-aq 78 keliden joǵary salmaqtaǵy Zarına Ábdirasylovanyń jeńisti qoldan bermeıtindigi anyq. Eske sala ketsek, alǵashqy Gran-prı 2013 jylǵy qazanda ótti. Ol kezde 20 elden astam eldiń sportshylary baq synasty. Bıylǵy jyly ótinimder sany eki esege artty, óıtkeni bıylǵy báseke - olımpıadalyq biliktiliktiń bóligi.
