Tashkentte Coca-Cola, Pepsi, Evos jáne Safia kompanııalaryna aıyppul salyndy

TAShKENT. Kazinform - Tashkentte syrtqy jarnama men aqparatty ornalastyrý tártibin buzǵan kompanııalarǵa aıyppul salyndy, dep habarlaıdy Kazinform ÓR Básekelestik komıtetine silteme jasap.

2025 jyldyń qańtar-aqpan aılarynda komıtettiń Tashkent qalalyq basqarmasy jarnama zańnamasynyń talaptaryn saqtaý boıynsha zertteýler men monıtorıng júrgizgeni atap ótildi.

Júrgizilgen zertteý nátıjelerine sáıkes óńirlik basqarmanyń arnaıy komıssııasy Tashkent qalasynda jumys isteıtin 30-dan astam sharýashylyq sýbektilerine, atap aıtqanda, «COCA-COLA BEVERAGE UZBEKISTAN LTD» JShS, «INTERNATIONAL BEVERAGES TASHKENT» JShS (PEPSI), «MAK FOOD SERVICE» JShS (EVOS), «LUMIERI» JShS, «TURAN MEDIA» JShS , «OQTEPA FOOD SERVICE» MCHJ (Oqtepa Lavash), «BARATRUM» JShS-ǵa (Safia) qatysty is qozǵaldy.

Olar «Jarnama týraly» zań jáne ÓR mınıstrler kabınetiniń «Syrtqy jarnama naryǵyn retteý týraly» №104 qaýlysymen belgilengen syrtqy jarnamany jáne aqparatty ornalastyrý tártibin buzǵan.

Sondaı-aq, zań buzýshylyqty joıý jáne onyń aldaǵy ýaqytta oryn alýyna jol bermeý boıynsha mindetti tapsyrmalar berildi.

Eske sala keteıik, AQSh-tan taǵy 10 ózbekstandyq eline qaıtarylady.