Tashkentte Azııa Olımpıadalyq keńesiniń jańa tóraǵasy saılandy
TAShKENT. KAZINFORM – Búgin Tashkentte Azııa Olımpıadalyq keńesi Bas assambleıasynyń 46-shy otyrysy ótti, dep habarlaıdy Kazinform agenttiginiń menshikti tilshisi.
Oǵan Ózbekstan prezıdenti Shavkat Mırzıeev, birqatar eldiń UOK tóraǵalary men beldi sportshylar qatysty. Sonymen qatar mártebeli qonaqtar arasynda World Boxing uıymynyń prezıdenti Gennadıı Golovkın de bar.
Otyrys barysynda Azııa Olımpıadalyq keńesiniń jańa tóraǵasy saılandy. Kópshiliktiń daýys berýimen bul laýazymǵa qatarlyq Sheıh Djaýan bın Hamad Ál-Tanı laıyq dep tanyldy.
Óz kezeginde Ózbekstan prezıdenti ony quttyqtap, jańa tóraǵanyń joǵary kásibı sheberligin, mol halyqaralyq tájirıbesi men álemdik sporttyń damýyna qosqan eleýli úlesin atap ótti.
– Búginde elimizdiń 15 mıllıonnan astam turǵyny dene shynyqtyrýmen únemi aınalysyp keledi. Ózbekstan sportshylary Parıjdegi Olımpıada men Paralımpıadada, sondaı-aq ózge de halyqaralyq saıystarda joǵary nátıje kórsetti, - dep málim etti Shavkat Mırzıeev.
Qosa keteıik, 23 qańtarda Prezıdent Qasym-Jomart Toqaev Qysqy Olımpıada men Paralımpıadaǵa qatysatyn sportshylarǵa Memlekettik týdy tapsyrǵan edi.
Buǵan deıin habarlaǵanymyzdaı, Qazaqstannyń Ulttyq Olımpıada komıteti sport salasyna jasandy ıntellektini engizbek.