Tashkentte avtokólikterge «gaz quıý beketteri» ýaqytsha jabyldy

TAShKENT. UZA – QazAqparat - Tashkent qalasynda avtokólikterge «metan janarmaı quıý beketteri» ýaqytsha jabyldy, dep habarlaıdy QazAqparat Ózbekstannyń UZA aqparat agenttigine silteme jasap.

Tashkent qalasy ákimdiginiń málimdemeýinshe, qala halqy tutynatyn jáne jylý júıesinde paıdalanatyn tabıǵı gaz qysymynyń tómendeýine baılanysty avtokólikterge gaz quıý beketteri ýaqytsha jabylǵan.

«Aýa temperatýrasynyń kúrt tómendeýine baılanysty qalamyzdyń keıbir aýdandarynda gaz jáne jylý berýde irkilister baıqaldy — kommýnaldyq qyzmetter qolda bar gaz qoryn barlyq tutynýshylar arasynda birdeı bólýge tyrysqanymen, resýrstar jetispeıdi.

Múmkindiginshe kóp úıdi gaz jáne jylýmen qamtamasyz etý úshin qoǵamdyq kólikterge qyzmet kórsetetin stantsııalardy qospaǵanda, barlyq basqa kólikterge janarmaı quıý beketteri ýaqytsha jabyldy», - delingen ákimdik habarynda.

Foto: uza.uz