Tashkentte aýa sapasy nasharlap barady
TAShKENT. KAZINFORM – Keıingi eki aptaǵa jýyq ýaqyt ishinde Tashkenttegi aýa sapasy kúrt nasharlady, dep habarlaıdy Kazinform agenttiginiń menshikti tilshisi.
Bul kúnderi qalanyń aspanyn tumanǵa uqsas tutas shań kómkerdi. Atap aıtqanda, búgin aýanyń lastanýy Dúnıejúzilik densaýlyq saqtaý uıymy bekitken standarttan 29,4 ese asyp tústi. Áleýmettik jeli qoldanýshylary da shahardyń aýasymen tynystaý bas aýrý jáne álsizdikke sebep bolyp jatqanyn jazǵan.
Bul rette 25 qarashada eldiń Densaýlyq saqtaý mınıstrligi turǵyndardyń uıaly telefondaryna habarlama joldady. Onda vedomstvo qaladaǵy shańnan JRVI-diń órshýi múmkin ekenin málimdep, odan saqtaný maqsatynda kóshede jáne adamdar kóp jınalatyn oryndarda medıtsınalyq betperde taǵýdy usyndy.
Ekologııalyq ahýaldyń nasharlaýyna baılanysty Ózbekstan bıligi shuǵyl sharalar qabyldaýǵa kiristi. ıAǵnı, búgin el prezıdenti Shavkat Mırzıeevtiń jarlyǵymen Tashkenttegi aýa sapasyn jaqsartý baǵytyndaǵy jobalardy iske asyratyn arnaıy komıssııa quryldy.
Komıssııa shahardy shań basqan ýaqyttarda kásiporyndardyń, jylýmen jabdyqtaý mekemeleriniń jumysyn toqtatyp, kólik qozǵalysyna shekteý engizýge ýákiletti. Sondaı-aq, ol júk kólikteriniń Tashkentke kirýine ýaqytsha tyıym salý, temir tulparlardyń qalada jup jáne taq kúnder boıynsha júrý tártibin aıqyndaıdy.
Jarlyqqa sáıkes, komıssııa jylyjaılar men aýany lastaıtyn ózge de nysandardyń jumysyn ýaqytsha nemese tolyq toqtatýǵa quqyly. Munymen birge, Tashkentten tys jerge kóshirý qajet dep tanylǵan kásiporyndar men ónerkásiptik aımaqtar anyqtalady.
Shańdy basatyn qurylǵylardy paıdalaný mindetti bolady, tıisinshe qurylys jumystaryna qoıylatyn talaptarǵa ózgeris engiziledi. Ózen, arna men aryqtardyń boıyna ǵımarat turǵyzýǵa tyıym salynady. Sonymen qatar, kúz jáne kóktem mezgilderinde qaladaǵy aǵashtar men kóshetterdi jýý jumysy júrgiziledi.
Shavkat Mırzıeev ekologııalyq jaǵdaıdy jaqsartýǵa baǵyttalǵan atalǵan sharalar legin 2026 jyldyń 1 naýryzyna deıin iske asyrýdy tapsyrdy.
Jarlyqta qamtylǵan taǵy bir mańyzdy joba – Tashkenttiń aınalasyndaǵy barlyq jylyjaılardy gazǵa kóshirý. Bul tapsyrmany oryndaý úshin kásipkerler Energetıka mınıstrligimen bir apta ishinde kelisimshart jasaýy tıis. Kóktem, jazda jeke jáne zańdy tulǵalarǵa aǵashty aýyz sýmen sýarý shekteledi, buǵan qosa úıge arnalǵan aýa tazartqysh qurylǵylarynyń ımportyna salynatyn baj salyǵy alynyp tastalady.
Eske salaıyq, buǵan deıin Ózbekstannyń Ekologııa jáne klımattyń ózgerýi ulttyq komıteti ónerkásiptik kásiporyndardan 1 jeltoqsanǵa deıin aýany lastaıtyn shyǵaryndylardy eki ese azaıtýdy talap etti. Munymen birge jaýapty vedomstvo birneshe kún buryn bas shahardaǵy sýburqaqtardy qaıta iske qosty. Sonymen qatar, kóshelerge arnaıy kóliktermen sý shashyp, shańdy basý jumysy júrgizilip jatyr.
Buǵan deıin habarlaǵanymyzdaı, Ózbekstannyń iri qalalarynda qorshaǵan ortaǵa zalal keltiretin kásiporyndardy ashýǵa tyıym salynady. Munymen birge, el úkimeti qaladaǵy iri kásiporyndardy shet aımaqtarǵa kóshiredi.