Tashkentte Astana Hub ókilderimen yntymaqtastyq kezdesý ótti
TAShKENT. KAZINFORM — Tashkentte Ózbekstan Respýblıkasy Prezıdenti janyndaǵy Memlekettik qyzmetti damytý agenttigi men Astana Hub ókilderi arasynda yntymaqtastyq kezdesýi ótti, dep habarlaıdy ÓzA aqparat agenttigi.
Belgili bolǵandaı, Ózbekstan Memlekettik qyzmetti damytý agenttigi memlekettik qyzmet boıynsha Astana Hubpen 2020 jyldan beri yntymaqtas.
Atap aıtqanda, 2023 jyldyń qazan aıynda Samarqand qalasynda Agenttik pen Hab arasynda ózara túsinistik týraly memorandýmǵa qol qoıylǵan edi. Ótken kezeńde Astana Hub-tyń shaqyrýymen agenttik ókilderi 15-ten astam halyqaralyq konferentsııalar men semınarlarǵa baıandamalarmen qatysty.
Sondaı-aq, Agenttik, Astana Hub jáne basqa da uıymdarmen birlesip memlekettik qyzmetterdi tsıfrlandyrý boıynsha birlesken jobalardy júzege asyrdy.
Osyǵan sáıkes, seriktes uıymdar ókilderi arasyndaǵy kezekti kezdesýde 2025 jyldyń 23-25 maýsymynda Samarqand qalasynda ótýi josparlanǵan BUU-nyń Memlekettik qyzmet jónindegi forýmy aıasynda birlesip atqarylatyn jumystar qarastyryldy.
Otyrysta salaǵa qatysty basqa da birqatar usynys talqylandy.
Eske sala keteıik, Qazaqstan men Ózbekstan shekarasyndaǵy «Qaplanbek» avtobeketi ashyldy.