Tashkentte agrobıznestiń jańa múmkindikteri talqylanady
TAShKENT. QazAqparat - 14 shilde kúni Tashkentte agrobıznes jáne azyq-túlik ónimderin óńdeý salalaryndaǵy otandyq óndirýshilerdiń ónimin ótkizýge baǵyttalǵan jobany júzege asyrý máselelerin talqylaý boıynsha konferentsııa ótedi, dep habarlandy Ózbekstannyń saýda-óndiristik palatasynyń saıtynda.
Ózbekstannyń saýda-óndiristik palatasy Eýroodaqtyń tehnıkalyq járdemdesýimen 2017-2019 jylar aralyǵynda «Eko-ınnovatsııalardy, turaqty damýdy jáne baǵany qurý tizbegin jetildirý arqyly azyq-túlik jáne aýyl sharýashylyǵy ónerkásipteriniń básekege qabilettiligin arttyrý» (AGROCOMP) jobasyn júzege asyrýdy josparlap otyr.
Konferentsııada Ózbekstannyń saýda-óndiristik palatasy Namangan aýmaqtyq basqarmasy, Ózbekstannyń saýda-óndiristik palatasy Qaraqalpaq aýmaqtyq basqarmasy, Qazaqstannyń Qaraǵandy oblystyq saýda palatasy jáne Qazaqstannyń «Taraz Ekspertıza» JShS óz usynymdaryn kórsetedi. Osylaısha, seriktesterdi óz óńirleriniń ekonomıkalyq áleýeti men AGROCOMP jobasy aıasynda júzege asyrý týraly josparlanǵan mindetter jaıly habardar etý.
Sondaı-aq, konferentsııaǵa Ózbekstandaǵy Eýropa odaǵy delegatsııasynyń basshysy Edýard Stıpraıs, Ózbekstan Respýblıkasynyń saýda-óndiristik palatasynyń ókilderi, Qazaqstannyń saýda jáne ónerkásip kásiporyndarynyń qaýymdastyǵy jáne Ózbekstan Respýblıkasyndaǵy Italııa elshisi Andrea Bertotstsı qatysady.
