Tashkentte adamdar kóp jınalatyn jerlerde qaýipsizdik sharalary kúsheıtildi
TAShKENT. KAZINFORM – Ózbekstan astanasynda quqyq qorǵaý organdarynyń qyzmetkerleri qaýipsizdikti qamtamasyz etý úshin adamdar kóp jınalatyn jerlerde baqylaýdy kúsheıtti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Tashkent qalalyq bas ishki ister basqarmasynyń málimetinshe, arnaıy bólim mamandary kúsheıtilgen jumys rejımine kóshti. Qyzmetkerler saýda keshenderin, oıyn-saýyq oryndaryn, bazarlardy, meshitter men kóshelerdegi kúzetti qatań baqylaýǵa aldy.
Kelýshilerdiń sómkeleri men basqa da jeke zattardy muqııat qaralyp, adamdar kóp jınalatyn jerlerde qyzmettik ıtterdiń kómegimen tekserister júrgizilýde.
Ózbekstan Ulttyq gravdııasynyń bólimsheleri de kúsheıtilgen baqylaý jumystaryna jumyldyryldy.
«Ramazan aıyna baılanysty qoǵamdyq tártipti saqtaý jáne azamattardyń qaýipsizdigin qamtamasyz etý maqsatynda Ulttyq gvardııa men basqa da quqyq qorǵaý vedomstvolarynyń qyzmetkerleri namaz ýaqytynda Tashkenttiń barlyq meshitterinde, buqaralyq is-sharalar ótkiziletin oryndarda, iri saýda keshenderinde, bazarlarda, kınoteatrlarda, saıabaqtar men dańǵyldarda kúsheıtilgen kúzet júrgizýde», - dep málim etti Ulttyq gvardııanyń baspasóz qyzmetinen.
