Tashkentte adam saýdasymen aınalysyp, qyzdardy Qazaqstanǵa jibergender ustaldy
TAShKENT. QazAqparat - Ózbekstan astanasynda quqyq qorǵaý organdary jezókshelikpen aınalysý úshin qyzdardy Qazaqstanǵa jetkizip júrgen bir top adamdy ustady, dep habarlady jergilikti BAQ.
Tashkenttiń Sirgeli aýdanynyń turǵyny Gúlzıra Abdýrahmanova adam saýdasymen aınalysty degen kúdikpen qolǵa tústi. Ol qyzdardy jezókshelikpen aınalysýy úshin Qazaqstanǵa jetkizip otyrǵan.
Ár qyz úshin Qazaqstan azamaty Lılııadan ol $200 alyp otyrǵan. Bul iske ol Ózbekstan azamattary Abdýlazız ıÝldashev pen Komıljon Mýhamedovty tartqan. Olar qyzdardy izdeýmen aınalysqan. Qazaqstanǵa attanǵan birinshi qyz 1991 jyly týǵan Azıza Hýdoıberganova boldy. Aıyna shamamen $500 tabasyń dep, ózge jumysty aıtyp qyzdy aldaǵan. Osylaısha názik jandy 1,5 jyldaı quldyqta bolǵan. Aǵymdaǵy jyldyń qańtar aıynda Azızany qaıta oralyp, ózimen birge taǵy da qyzdar alyp kelýi talabymen úıine jibergen. Azıza eki qyzdy - Sabohat Mannopova men Kamola Týraevany taýyp (ekeýi de 1985 jyly týǵandar), Qazaqstanǵa shyǵarmaq bolady. Úsheýi de tártip saqshylarynyń qolyna tústi. Quqyq qorǵaý organdarynyń qyzmetkerleri bul toptyń basshylaryn da tapty. Qazirgi ýaqytta qylmystyq qaýymdastyqtyń barlyq múshesi ustaldy. Tergeý amaldary aıaqtaldy, is sotqa joldandy.
