Tashkentte «Abaı Úıi» qazaq mádenı-iskerlik ortalyǵy ashyldy

TAShKENT. QazAqparat - Tashkent qalasynda «Abaı Úıi» qazaq mádenı-iskerlik úıiniń saltanatty ashylýy ótti. Bul týraly QazAqparat Aqparat jáne qoǵamdyq damý mınıstrligine silteme jasap habarlaıdy.

1 qazan kúni «Otandastar qory» KeAQ Dúnıejúzi qazaqtary qaýymdastyǵymen birlesip, QR Aqparat jáne qoǵamdyq damý, QR Syrtqy ister mınıstrlikteriniń qoldaýymen onlaın-formatta Tashkent qalasynda (Ózbekstan) «Abaı Úıi» qazaq mádenı-iskerlik úıiniń saltanatty ashylýyn ótkizdi.

Іs-sharaǵa QR Aqparat jáne qoǵamdyq damý mınıstrliginiń Etnosaralyq qatynastardy damytý komıteti tóraǵasynyń orynbasary Erkin Úısimbaev, QR Syrtqy ister mınıstrligi Konsýldyq qyzmet Departamentiniń keńesshisi Baýyrjan Toqqulov, «Otandastar qory» KeAQ vıtse-prezıdenti Maǵaýııa Sarbasov, Ózbekstandaǵy qazaq mádenı ortalyǵynyń tóraǵasy Serikbaı Úsenov, Qazaqstannyń Ózbekstandaǵy elshiliginiń keńesshisi Rýslan Dúısenov, sondaı-aq Ózbekstandaǵy qazaq qaýymynyń ókilderi jáne t. b. qatysty.

Іs-shara aıasynda «Abaı Úıi» qazaq mádenı-iskerlik úıiniń tusaýkeseri ótti, sondaı-aq Ózbekstandaǵy qazaq qoǵamdastyǵynyń mádenı, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.

«Otandastar qory» KeAQ shetelde «Abaı Úıi» qazaq mádenı-iskerlik úıleriniń jelisin ashý jumysyn jalǵastyrýda. Ótken aptada Omby qalasynda (RF) «Abaı Úıi» qazaq mádenı-iskerlik úıiniń ashylýy uıymdastyryldy. Aǵymdaǵy jyldyń sońyna deıin Bishkek qalasynda (Qyrǵyzstan), Berlın qalasynda (Germanııa), Ystambul qalasynda (Túrkııa) taǵy 3 «Abai Uii» qazaq mádenı-iskerlik úıiniń ashylýy josparlanyp otyr.