Tashkentte 5 balldyń shamasynda jer silkinisi boldy
TAShKENT. 20 shilde. QazAqparat /Qurmat Samarhan/ - Tashkentte ótken túni jer silkinisi boldy, dep habarlady ózbek buqaralyq aqparat quraldary.
Jerasty dúmpýi 20 shilde kúni túngi saǵat 00.36-nyń shamasynda boldy jáne onyń oshaǵy kórshi Qyrǵyzstannyń aýmaǵynda ornalasty. Tashkentte jerasty terbelisi 1 mınýtqa deıin sozyldy.
Buqaralyq aqparat quraldarynyń habarlaýynsha, kúshi 6,2 balldyq jer silkinisiniń oshaǵy ózbektiń Ferǵana qalasynyń ońtústik-batysyna qaraı 42 shaqyrym jerde tirkelgen jáne onyń kindigi 9,2 shaqyrym tereńdikte bolǵan. Qıraýlar men zardap shekkender týraly ázirge aqparat joq.
«Tashkent» seısmıkalyq stansasynyń aqparaty boıynsha, Ózbekstan astanasynda, Ferǵanada jáne Namanǵanda jer silkinisiniń kúshi 4,5-5 balldyń shamasynda boldy. Al Termezde - 4 balldy, Samarqandta - 2 balldy shamalady.
