Tashkentte 5 ball qýatymen jer silkindi
TAShKENT. 25 mamyr. QazAqparat - Tashkentte túnde saǵat 03.19-da 5,5 balldyq jer silkinisi tirkeldi.
Bul týraly jergilikti BAQ habarlady.
Eýropalyq-jerorta teńizdik seısmologııalyq ortalyqtyń aldyn ala málimetteri boıynsha, jer asty dúmpýiniń qýaty 5,6 balldy qurady. Keıin ortalyq kórsetkishti 5,2-ge tómendetti, kóp uzamaı 5,5 ballǵa qaıta túzetti.
Tashkentte jer asty dúmpýi birneshe sekýnd boıy sezilip, úıdegi aspaly shamdar men jıhazdar teńselgen. Jer silkinisinen kólikterdegi qaýipsizdik dabyldary da iske qosyldy.
Seısmologııalyq stansanyń aqparyna súıensek, jer silkinisiniń oshaǵy Ózbekstan astanasynan ońtústikke qaraı 32 shaqyrym jerde ornalasqan.
«Tashkent» seısmologııalyq ortalyǵy habarlaǵandaı, jer asty dúmpýiniń qýaty 4-4,5 balldy qurady. Onyń oshaǵy Tashkent oblysynda, Tashkenttiń ońtústik-batysyna qaraı 40 shaqyrym jerde ornalasty. Zilzala oshaǵyndaǵy magnıtýda 5 balldy qurady.
