Tashkentte 31 jastaǵy er adam mektep aýlasynda asylyp qaldy

Tashkentte mektep aýlasynda er adam óz-ózin aǵashqa asty degen aqparat tarady. Bas prokýratýra bolǵan jaǵdaı jóninde málimet berdi, dep habarlaıdy Kazinform.

Habarlanǵandaı, búgin, 28 jeltoqsan saǵat 07:45-te 1992 jyly týǵan er adam Mırzo Ulyqbek aýdanyndaǵy № 248 mekteptiń artyndaǵy aǵashqa asylyp, óz-ózine qol jumsaǵan.

Marqumnyń psıhıatrııalyq dıspanserde esepte turǵany, buǵan deıin de birneshe ret ózine qol salýǵa áreket jasaǵany anyqtaldy.

Qazirgi tańda Mırzo Ulyqbek aýdandyq prokýratýrasy atalǵan fakti boıynsha tergeý amaldaryn júrgizip jatyr.