Tashkentke AstraZeneca vaktsınasynyń birinshi partııasy jetkizildi
TAShKENT. QazAqparat – Búgin Tashkent qalasynyń áýejaıyna AstraZeneca vaktsınasynyń birinshi partııasy jetkizildi, dep habarlaıdy QazAqparat.
Ózbekstan Respýblıkasy Densaýlyq saqtaý mınıstrliginiń málimeti boıynsha, Ózbekstan COVAX baǵdarlamasynyń aıasynda atalǵan vaktsınanyń 2256 dozasyn alýǵa nıetti. 660 myń dozany quraıtyn birinshi partııa búgin jetkizilse, ekinshi partııa mamyr aıynda kútilip otyr.
«AstraZeneca vaktsınasy basqa elderde synaqtan ótip bolǵandyqtan, Ózbekstanda ony tekserý eń qysqa merzim – bir apta ishinde ótedi. Vaktsına Dúnıejúzilik densaýlyq saqtaý uıymy keńes etken 3 vaktsınanyń biri bolyp tabylady. Preparat birinshi kezekte 16 jastan asqan balalarǵa egiledi. Atalǵan partııa ózbekstandyqtardyń 3 paıyzyn qamtıdy», - dep naqtylady ÓR Densaýlyq saqtaý mınıstrliginen.
«DDSU AstraZeneca vaktsınasyn tótenshe jaǵdaıda qoldanylatyn ekpeler tizimine kirgizdi, bul ony COVAX arqyly jahandyq deńgeıde taratýǵa múmkindik berdi. Ózbekstan AstraZeneca vaktsınasyn qoldanatyn 49-shy el bolyp tabylady. Vaktsınalardyń sapasyn, qaýipsizdigi men tıimdiligin qamtamasyz etý – DDSU-nyń eń joǵary basymdyqtarynyń biri», - dep atap ótti DDSU-nyń Ózbekstan elindegi ókili Lıann Kýppens.
