Tashkente kúshi 3 baldyq jer silkinisi sezildi
TAShKENT. 13 shilde. QazAqparat - Ózbekstan aýmaǵynda 12 shilde kúni jergilikti ýaqyt boıynsha saǵat 19:00-de (Astana ýaqyty boıynsha saǵat 20:00-de) 3 baldyq kúshi bar jer silkinisi tirkeldi, dep habarlaıdy ózbek BAQ-y.
«Tashkent» seısmologııalyq stansasynyń málimetterinshe, Ózbekstan astanasynda jerasty dúmpýlerdiń kúshi MSK-64 shkalasymen 3 baldy qurady. Onyń oshaǵy Tashkent qalasynan ońtústik-shyǵysqa qaraı 520 shaqyrym jerde, Aýǵanstandaǵy Gındýkýsh taýlarynda boldy, mundaǵy jer silkinisiniń kúshi 5,8 baldy qurady.
AQSh geologııalyq qyzmetiniń málimetterinshe, jer silkinisiniń oshaǵy Aýǵanstandaǵy Jarm qalasynan 40 shaqyrym jerde, Aýǵanstandaǵy Ashqasham qalasynan 62 shaqyrym jerde, Tájikstannyń Ishkashım qalasynan 70 shaqyrym jerde, Aýǵanstandaǵy Faızabad qalasynan 73 shaqyrym jerde, Aýǵanstannyń Kabýl qalasynan 267 shaqyrym jerde ornalasty.
44 mınýt ótken soń, Tashkent ýaqyty boıynsha saǵat 19:44-te Gındıkýsh taýlarynda taǵy bir jer silkinisi tirkeldi. Bul joly dúmpýlerdiń kúshi 4,7 baldy quraǵan. Onyń oshaǵy Aýǵanstandaǵy Jarm qalasynan 48 shaqyrym jerde, Aýǵanstandaǵy Ashqasham qalasynan 49 shaqyrym jerde, Tájikstannyń Ishkashım qalasynan 57 shaqyrym jerde, Aýǵanstandaǵy Faızabad qalasynan 83 shaqyrym jerde jáne Kabýlden 274 shaqyrym jerde bolǵan.
