Tashkent Shymkentte jeke saýda úıin ashady
ASTANA. QazAqparat - Tashkent hokımııaty men Shymkent ákimdigi yntymaqtastyq týraly memorandýmǵa qol qoıdy. Qujat Ózbekstan delegatsııasynyń Ońtústik Qazaqstan oblysyna jasaǵan sapary aıasynda rásimdeldi, dep habarlaıdy podrobno.uz .
Qujatta Tashkent qalasynyń Shymkentte saýda úıin ashýy, sondaı-aq Tashkent pen Shymkent qalalary arasyndaǵy saýda-ekonomıkalyq jáne mádenı qarym-qatynasty damytýy qarastyrylǵan.
Sapardyń mádenı baǵdarlamasy aıasynda tashkenttik ártisterdiń kontsertteri bolyp ótti. Sondaı-aq, Tashkenttiń úzdik aspazdary Shymkent pen Ońtústik Qazaqstan oblysy aýdandarynyń turǵyndaryna ózbek ashanasynyń ulttyq taǵamdaryn usynǵan ózbek ashanasynyń festıvali ótkizildi.
Tashkent hokımııaty aldaǵy ýaqytta osyndaı is-sharalardy Almaty (Qazaqstan), Osh (Qyrǵyzstan) jáne Ashǵabad (Túrikmenstan) qalalarynda ótkizýdi josparlap otyr.
