Tashkent pen Kabýl transaýǵan temirjolynyń qurylysyn jedeldetýge nıetti

TAShKENT. KAZINFORM — «Haıraton — Mazarı-Sharıf» temirjolyn paıdalaný jáne oǵan tıisti jóndeý júrgizip turýǵa arnalǵan kelisimshart merzimi uzartyldy, dep habarlaıdy Kazinform agenttiginiń menshikti tilshisi.

Ózbekstannyń Kólik mınıstri Ilhom Mahkamov pen Aýǵanstan Qoǵamdyq jumystar mınıstriniń temirjol máseleleri jónindegi orynbasary Mýhammadjon Mahmadalı Sohıbzod Tashkentte kezdesip, vedomstvolar arasyndaǵy yntymaqtastyqty talqylady.

Kezdesýde taraptar transaýǵan temirjol dálizin salý isin jedeldetýge nıet bildirip, bul baǵyttaǵy jumystardy birlesip uıymdastyrýǵa ýaǵdalasty.

Sonymen qatar, I.Mahkamov pen M.Sohıbzod vedomstvolar arasyndaǵy yntymaqtastyqty bekemdeı túsý maqsatynda «Haıraton — Mazarı-Sharıf» temirjolyn paıdalaný jáne oǵan tıisti jóndeý júrgizip turýǵa arnalǵan kelisimsharttyń merzimin uzatty.

Bul rette «Ózbekstan temir joldary» kompanııasyna enshiles «Sogdıana trans» uıymy «Haıraton — Mazarı-Sharıf» temirjol jelisiniń jumysyna jaýapty operator bolyp qala bermek.

Eske salaıyq, Qazaqstan Aýǵanstanǵa temirjol qurylysy materıaldaryn jetkizýi múmkin.

Buǵan deıin habarlaǵanymyzdaı, Ózbekstan bıyl da Aýǵanstanǵa elektr energııasyn eksporttaıdy.