Tashkent pen Aqtóbe arasynda tikeleı áýe reısi ashylady
TAShKENT. KAZINFORM — Ózbekstandyq Centrum Air áýe kompanııasynyń ushaqtary 2 tamyzdan «Tashkent — Aqtóbe» baǵyty boıynsha reıs oryndaı bastaıdy, dep habarlaıdy Kazinform agenttiginiń Tashkenttegi menshikti tilshisi.
Tashkentten Aqtóbege baǵyttalǵan reıster jeksenbi jáne sársenbi kúnderi oryndalady. Al keri reıster ár dúısenbi men beısenbige josparlanǵan. Bılet quny 1,1-1,2 mln sýmnan (43-47 myń teńge) bastalady.
Eske salaıyq, buǵan deıin Qostanaı men Tashkent arasynda tikeleı áýe reısi ashylǵan edi.
Sonymen qatar FlyArystan áýe kompanııasynyń ushaqtary 3 qyrkúıekten «Almaty — Úrgenish — Almaty» baǵyty boıynsha reıs oryndaı bastaıdy.
Buǵan deıin habarlaǵanymyzdaı, Oraldan Tashkentke qatynaıtyn áýe reısi toqtatyldy.
Muymen birge Ózbekstan avıaotyn tapshylyǵyna baılanysty Reseı baǵytyndaǵy áýe reısterin qysqartty.
