Tashkent — Nıý-Iork áýe reısinde sábı dúnıege keldi
ASTANA. KAZINFORM — Uzbekistan Airways áýe kompanııasynyń HY101 Tashkent — Nıý-Iork reısiniń bortynda ushý kezinde jolaýshylardyń birinde tolǵaq bastalǵan.
Jaǵdaıdy baǵalaǵan ekıpaj komandıri daýystyq habarlandyrý arqyly ushaqtaǵy dárigerlerdi kómekke shaqyrǵan. Bul týraly áýe kompanııanyń baspasóz qyzmeti habarlady.
Jolaýshylar arasynda dáriger-akýsher men hırýrg tabylyp, kómekke kelgen. Biraz ýaqyttan keıin sábı dúnıege kelgen. Osyǵan baılanysty ekıpaj Islandııanyń Keflavık qalasyndaǵy rezervtik aerodromǵa shuǵyl qoný týraly sheshim qabyldaǵan.
Ushaq sátti qonǵannan keıin medıtsınalyq qyzmetkerler bortqa shyǵyp, qajetti kómek kórsetken. Anasy men sábı jergilikti emhanaǵa jetkizilgen.
Aıta keteıik, buǵan deıin Tashkentte bir otbasynda tórtem, 2 ul 2 qyz dúnıege kelgenin habarlaǵan edik.