Tashkent metrosy Ózbekstan-Portýgalııa matchynyń jankúıerleri úshin jumys ýaqytyn uzartady
ASTANA. KAZINFORM — 23 maýsymda Tashkent metropolıteni fýtboldan álem chempıonatynda Ózbekstan quramasynyń Portýgalııaǵa qarsy oıynyna baılanysty jumys ýaqytyn bir saǵatqa uzartady, dep habarlaıdy Kazinform.
Ózbekstan ulttyq fýtbol quramasy álem chempıonaty aıasynda kezekti matchyn 23 maýsymda jergilikti ýaqyt boıynsha saǵat 22:00–de ótkizedi.
Match ótetin kúni Tashkentte jolaýshylar aǵyny aıtarlyqtaı artady dep kútilip otyr.
— Osyǵan baılanysty Tashkent metropolıteni 23 maýsymda túngi saǵat 1:00–ge deıin jumys isteıdi. Bul qosymsha jumys rejımi jankúıerlerdiń matchtan keıin qaýipsiz, jaıly jáne jyldam oralýyn qamtamasyz etýge baǵyttalǵan, — delingen Tashkent metropolıteniniń baspasóz qyzmetiniń málimdemesinde.
Eske salsaq, 18 maýsymda Ózbekstannyń Álem chempıonatyndaǵy alǵashqy matchy ótti.
Buǵan deıin Ózbekstan fýtboldan álem chempıonatynyń kollektsııalyq monetasyn shyǵaratynyn jazǵanbyz.
