Tashkent mańyndaǵy karantın kesheninde 42 jastaǵy er adam asylyp qaldy
TAShKENT. QazAqparat – Ózbekstan COVID-19 belgileri bar naýqastarǵa arnalǵan karantın kesheninde er adam asylyp qalǵan kúıinde tabyldy, dep habarlaıdy QazAqparat menshikti tilshisi Ózbekstan Respýblıkasy Bas prokýratýrasynyń baspasóz qyzmetine silteme jasap.
20 maýsymda Tashkent oblysy ıÝkorıchırchık aýdanynda ornalasqan «Ýrtasaroı» karantın kesheninde kondıtsıonerge tósek jaımasynyń kómegimen asylyp qalǵan 1978 jylǵy Ózbekstan Respýblıkasy Ferǵana oblysynyń týmasy tabyldy.
Vedomstvonyń málimetinshe, ol 15 maýsymda Máskeýden Tashkentke charterlik reıspen ushyp kelip, qalǵan eki adammen birge karantın keshenine ornalastyrylǵan. Kelgen kezde ol COVID-19-ǵa analız tapsyrǵan, alaıda test nátıjesin alyp úlgermegen.
Vedomstvoda atap ótkendeı, qaıtys bolǵan er adam koronavırýs juqtyryp alǵanyn aıtyp, basqa adamdarmen birge bir konteınerde jatýdan bas tartqan. Keıin ony jeke bólmege ornalastyrǵan.
Karantın ortalyǵynda jumys isteıtin Almazar aýdany kópbeıindi emhanasy dárigeriniń aıtýynsha, ol tamaq ishýden bas tartyp, ashýly bolǵan.
Keıin belgili bolǵandaı, onyń koronavırýsqa tapsyrǵan analızi teris nátıje kórsetken.
Avtor: Mıras Qýandyqov
