Tashkent «Kóshpendiler joly» motosherýine qatysýshylardy qarsy aldy
ASTANA. QazAqparat - Ortalyq Azııa elderi aýmaqtaryn basyp ótetin «Kóshpendiler joly» halyqaralyq motosherýi Tashkentke jetti. Bul týraly Kabar agenttigi habarlady.
Halyqaralyq motosherý dástúrge oraı Bishkekten bastaý aldy. Qazaqstan, Ózbekstan, Tájikstan elderi aýmaǵyn artqa tastaıtyn motokerýen Ystyqkólde sherýdi aıaqtaıdy.
Ortalyq Azııa mototsıklshiler qaýymdastyǵynyń tóraǵasy Ashat Seıitbekovtiń aıtýynsha úshinshi jyl qatarynan uıymdastyrylyp otyrǵan sherý ejelgi Uly Jibek jolynyń boıymen ótedi.
«Sherýdi uıymdastyrýdaǵy basty maqsat - Ortalyq Azııa mototsıklshileriniń arasyndaǵy dostyq pen baýyrmaldyqty nyǵaıtý. Bıyl oǵan Reseıden Máskeý, Tomsk, Túmen, Novosibir; Qazaqstannan Astana, Almaty, Qyzylorda, Baıqońyr qalalarynyń, sondaı-aq Qyrǵyzstan men Ózbekstannyń ókilderi qatysyp otyr», - dedi ol.
