Tashkent áýejaıynda qaýipsizdik sharalary kúsheıtildi
ASTANA. QazAqparat - «Tashkenttiń «Ońtústik» áýejaıynda Ózbekstanǵa ushyp kelip jatqan barlyq adamdy tekserý kúsheıtildi. Ushyp kelýshiler alańynda birneshe júz adam jınalyp qaldy, dep habarlaıdy RIA Novostı.
Barlyq kelýshilerden kelý maqsaty suralyp jatyr. Zattar men qujattardy muqııat tekserýde, ásirese sheteldikterge asa mán berilip jatyr. Osynyń kesirinen shekaradan ótý eki-úsh saǵat ýaqyt alýda.
El úkimeti men parlamenti Ózbekstan prezıdenti Islam Karımovtyń juma kúni 78 jasynda ómirden ozǵanyn habarlady. Jerleý rásimi 3 qyrkúıek kúni Samarqanda ótedi.
