Tashkent áýejaıynda bir áıelden iri somadaǵy jalǵan valıýta tabylǵan
ASTANA. QazAqparat - "Toshkent-Aero" mamandandyrylǵan keden kesheniniń mamandary iri somadaǵy jalǵan valıýtany alyp ótýge baılanysty kedendik quqyq buzýshylyqty áshkereledi, dep habarlaıdy uza.uz.
Islam Karımov atyndaǵy Tashkent halyqaralyq áýejaıynda Ystanbuldan kelgen E.A. esimdi azamatshanyń júk sómkesin tekserý barysynda aıaq-kıim qorabyna jasyrylǵan 20 myń AQSh dollary tabyldy. Bul valıýta jolaýshynyń keden deklaratsııasynda kórsetilmegen jáne keden qyzmetkerleri aýyzsha suraǵan kezde bul týraly málimdelmegen.
Kedendik tekserý barysynda valıýtanyń jalǵan ekeni anyqtaldy. E.A.tergeý barysynda bul aqshany Ystanbuldaǵy belgisiz bireýdiń ótinishi boıynsha alyp kelgenin rastady. Endi ol óziniń sengishtigi úshin jaýap beretin bolady. Qazirgi tańda osy fakti boıynsha oǵan qatysty Ózbekstan Respýblıkasy Qylmystyq kodeksiniń sáıkes baby boıynsha qylmystyq is qozǵaldy.
