Tashkent — Atyraý baǵyty boıynsha jańa áýe reısi iske qosylady
ASTANA. KAZINFORM — «Uzbekistan Airways» áýe kompanııasy bıylǵy jyldyń 29 naýryzynan bastap Tashkent — Atyraý baǵyty boıynsha jańa áýe qatynasyn ashady. Bul týraly QR Kólik mınıstrliginiń baspasóz qyzmeti habarlady.
Áýe kompanııasy reısterdi aptasyna 2 ret (dúısenbi jáne juma kúnderi) «Airbus A320» úlgisindegi áýe kemelerimen oryndaýdy josparlap otyr.
— Jańa áýe qatynasyn ashýǵa 2025 jylǵy 14 tamyzda Qazaqstan Respýblıkasy men Ózbekstan Respýblıkasy avıatsııalyq bılik organdary arasynda ótken kelissózder alǵyshart boldy. Kelissózder barysynda eki el arasyndaǵy halyqaralyq reısterdi oryndaý úshin quqyqtyq bazany odan ári keńeıtý týraly ýaǵdalastyqqa qol jetkizildi, — delingen aqparatta.
Áýe qatynasynyń ashylýy elder arasyndaǵy iskerlik, saýda-ekonomıkalyq jáne týrıstik yntymaqtastyqty odan ári nyǵaıtýǵa yqpal etedi.
Buǵan deıin bıyl qandaı jańa halyqaralyq áýe reısteri ashylatyny týraly jazǵan bolatynbyz.