Tashkent álemniń eń lastanǵan qalalarynyń arasynda birinshi orynda tur
TAShKENT. QazAqparat – Ózbekstan astanasynda uzaq ýaqyt boıy jaýyn jaýmaı, aýa temperatýrasynyń tómendeýine baılanysty aýanyń lastanýy belgilengen mejeden 10 ese artyp ketken, dep habarlaıdy «QazAqparat» HAA tilshisi.
Ýzgıdromet monıtorınginiń derekterin paıdalanatyn IQAir portalynyń málimetteri boıynsha, Tashkent qazirgi tańda aýanyń lastaný deńgeıi boıynsha birinshi orynda tur.
17 qazan, saǵat 21:00-de aýa daǵy RM2,5 usaqdıspersti bólshekteriniń kólemi 275 mkg/tekshe metrdi qurady. Bul Dúnıejúzilik densaýlyq saqtaý uıymy bekitken 25 mkg/tekshe metrlik deńgeıden 10 ese joǵary.
Bıylǵy 17 qazanda Ýzgıdromet sýyq jáne ylǵaldy aýa massalary respýblıkanyń barlyq óńirlerine túsetinin habarlaǵan bolatyn. Uzaq ýaqyt jaýynnyń bolmaýy aýa temperatýrasy ınversııasynyń saldarynan Tashkentte saǵat 18:00-den 23:00-ge deıin atomosferalyq aýa usaq shań bólshekterinen lastanady.
Osyǵan baılanysty sınoptıkter Tashkent turǵyndary men qonaqtaryna úıden shyqpaýǵa, kóshede maska taǵyp, ony saǵat saıyn aýystyryp otyrý qajet dep keńes berdi.
Foto: podrobno.uz
Mádıbek Jánibekov
