Tashkent álemdegi aýasy qatty lastanǵan 30 qalanyń qataryna endi

TAShKENT. KAZINFORM — Ótken jyldyń qorytyndysy boıynsha Tashkent aýasy eń lastanǵan álem elderi astanalarynyń reıtınginde 22-shi orynǵa jaıǵasty, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Shveıtsarııalyq IQAir tehnologııalyq kompanııasy byltyr álem qalalarynda baıqalǵan aýa sapasy týraly dúnıejúzilik qorytyndy esepti jarııalady. Oǵan 134 memlekettegi 7 812 qala engen, sarapshylar 30 myńnan astam monıtorıng stantsııasynyń derekterine taldaý jasaǵan.

IQAir baǵalaýy boıynsha, Tashkenttiń aýasyndaǵy zııandy shyǵaryndylardyń (PM 2,5) ortasha jyldyq kontsentratsııasy 28,6 mkg/m3 qurady.

Bul Dúnıejúzilik densaýlyq saqtaý uıymynyń (DDU) densaýlyqqa zııandy dep tanyǵan mejesinen 5-7 ese joǵary. 

Osylaısha, Tashkent «qyzyl» sanatqa engizilip, aýasy eń lastanǵan álem astanalarynyń reıtınginde 22-shi orynǵa jaıǵasty.

Sondaı-aq, atalǵan reıtınginiń alǵashqy bestigine Nıý-Delı (Úndistan), Dakka (Bangladesh), Ýagadýgý (Býrkına-Faso), Dýshanbe (Tájikstan) jáne Baǵdad (Irak) endi.